നീലക്കുടശ്ശീല നീര്‍ത്തി നിന്നംബരം നീര്‍മണിത്തുള്ളികള്‍ തൂകി,
പഞ്ചവര്‍ണ്ണക്കുടക്കീഴിലേക്കന്നവള്‍ സാദരം സ്വാഗതം ചൊല്ലി.
ആദ്യാനുരാഗത്തിനാദ്യ സമ്മാനമായ്‌ അന്നാ കുടക്കീഴിനോരം
നെഞ്ചകത്താലങ്ങള്‍ കയ്മാറ്റമായതും അന്നാ മഴത്തുള്ളി പെയ്തനേരം!
തോളോടു തോളന്നടക്കംപറഞ്ഞതു നെഞ്ചിലെ കാവിലെ കൊടിയേറ്റം
മിണ്ടാതെ മിണ്ടാതെ ആത്മാക്കള്‍ അന്യോന്യമേകിയന്നായിരം സന്ദേശം.
അന്നൊളിച്ചാ സൂര്യന്‍ ഇന്നെന്‍റെ ജീവിത പാതയില്‍ കത്തിജ്വലിക്കേ
വെയിലേറ്റു വീഴാതെ സ്നേഹക്കുടക്കീഴില്‍ ഒന്നിച്ചു നമ്മള്‍ നടന്നിടട്ടെ!
ഇനി നിന്‍റെ ജന്‍മം മഴക്കാലമുന്ടെന്കിലന്നാ കുടക്കീഴിലെന്നെ;
വീണ്ടും വിളിക്കുക ജന്മാന്തരങ്ങളില്‍ സ്നേഹാദരങ്ങളാല്‍ തന്നെ !
1 comment:
കൊള്ളാം.
നല്ല വരികള്‍!
ആശംസകള്‍!
:)
Post a Comment